Einar Sindrason háls-, nef- og eyrnalæknir er látinn, 84 ára að aldri en hann lést á líknardeild Landspítalans 29. júlí síðastliðinn, samkvæmt frétt mbl.is.

Hann fæddist í Reykjavík 24. mars 1942 og lauk stúdentsprófi frá Menntaskólanum í Reykjavík árið 1962. Einar útskrifaðist sem læknir frá Háskóla Íslands árið 1969 og starfaði fyrst sem héraðslæknir á Hvammstanga áður en hann hélt til Danmerkur í sérnám í háls-, nef- og eyrnalækningum.

Árið 1980 var Einar skipaður yfirlæknir við Heyrnar- og talmeinastöð Íslands, þar sem hann starfaði til ársins 2004. Samhliða rak hann eigin læknastofu um áratuga skeið. Hann átti einnig þátt í að innleiða háþrýstisúrefnislækningar á Íslandi þegar slík meðferð var lítt þekkt hér á landi.

Einar lét einnig til sín taka innan Frímúrarareglunnar og var einn af stofnendum kórs reglunnar.

Eftirlifandi eiginkona hans er Kristín Árnadóttir hjúkrunarfræðingur. Þau eignuðust þrjú börn, en sonur þeirra Sindri lést árið 2018. Barnabörnin eru fjögur.