Ingileif Friðriksdóttir, aðstoðarmaður utanríkisráðherra, óskar landsmönnum gleðilegs alþjóðlegs Pride-mánaðar á Instagram-síðunni sinni og á síðu fræðsluvettvangs Hinseginleikans.

Með færslunni lætur hún fylgja með athugasemdir frá fólki sem finnur þessum málstað allt til foráttu. Athugasemdir sem auðveldlega gætu flokkast sem hatursorðræða, þar sem Ingileif er kölluð barnaníðingur og fólk varað við „að þessum viðbjóði verði að stoppa“.

Til þess má geta að árið 2020 gaf Ingileif út ásamt konu sinni Maríu Rut Kristinsdóttur, þingmaður Viðreisnar, bókina Vertu þú! Bókin fjallar um fjölbreytileikann og hvetur til fordómaleysis og víðsýni og hefur verið kennd í skólum landsins síðustu ár. Hjónin hafa verið ötul í sinni baráttu fyrir bættum réttindum fjölbreytileikans með útgáfu bóka, sjónvarpsþáttum og almennri umræðu.

Margir eru hins vegar ekki á sama máli og þær og er Þorsteinn Kristinsson einn þeirra sem gefur lítið fyrir þeirra baráttu og kallar Ingileif hreinlega fífl. Hann vill meina að hún „vilji troða áróðri S78 yfir á börn í skólum“.

Hann heldur áfram og segir að „við foreldrar höfum fullan rétt á því að vernda okkar börn gegn lygasögum S78 um að börn gætu verið í röngum líkama.“ Þá segir hann að lokum að hann vilji „burt með samtökin 78 og þeirra innrætingur úr skólunum. Allir sem vilja grooma mín börn eru fífl og pedofile.“