Karlmaður á fimmtugsaldri var í dag í Landsrétti úrskurðaður í gæsluvarðhald til miðvikudagsins 27. ágúst að kröfu Lögreglunnar á höfuðborgarsvæðinu í þágu rannsóknar hennar á þjófnaði á hraðbanka í Mosfellsbæ aðfaranótt 19. ágúst. Þetta kemur fram í tilkynningu frá lögreglu.

Áður hafði Héraðsdómur Reykjavíkur hafnað gæsluvarðhaldskröfu yfir manninum eins og fram hefur komið.

Frekari upplýsingar um rannsókn málsins verða ekki veittar að svo stöddu að sögn lögreglu.