Í dagbók lögreglu frá því í gærkvöldi og í nótt er greint frá því að lögreglan hafi fengið tilkynningu um líkamsárás í Laugardalnum. Einnig var tilkynnt um slagsmál og ágreining í óskyldu máli í sama hverfi.

Ökumaður var handtekinn grunaður um akstur undir áhrifum vímuefna og vörslu fíkniefna í Garðabæ.

Óskað var aðstoðar vegna hnupls úr verslun í Breiðholti.

Ökumaður var handtekinn grunaður um akstur undir áhrifum vímuefna, akstur án gildra ökuréttinda og vörslu fíkniefna í Grafarvogi.

Nokkrir ökumenn voru sektaðir fyrir umferðarlagabrot, meðal annars óvirk ljósker og hraðakstur. Síðan voru einhverjir sektaðir fyrir að taka í farsíma án handfrjáls búnaðar.