Matvælastofnun hefur fengið tilkynningu um að brúni hundamítillinn (Rhipicephalus sanguineus) hafi greinst á hundi sem var í skoðun á Dýraspítalanum í Víðidal vegna kláða og útbrota í andliti.

Greining fór fram á Tilraunastöð Háskóla Íslands í meinafræði að Keldum.

Brúni hundamítillinn hefur ekki oft greinst hér á landi og er ekki landlægur á Íslandi. Í hvert sinn hefur tekist að uppræta hann. Matvælastofnun vinnur markvisst að því að koma í veg fyrir að þessi sníkjudýrategund nái fótfestu hér á landi.