Leiðsögukona að nafni Monika birti myndskeið á Instagram af ferðalöngum við Reynisfjöru þar sem þeir gerðu sér lítið fyrir og klifruðu upp stuðlabergsvegg á Reynisfjalli.

Monika er allt annað en ánægð með hegðun ferðamannanna og skrifaði harðorða færslu við myndskeiðið. Þar segir hún að það eina sem íbúar þessa lands biðji ferðamenn um að gera þegar þeir heimsækja Ísland, sé að virða náttúruna. Segist hún hafa rætt við ferðamennina, sem voru tvær ungar konur, og að þar sem þær hafi vilja vera stjörnur með þessu klifri sínu, sé réttast að gera þær frægar með því að dreifa myndskeiðinu sem víðast.

Hér má sjá færslu Moniku í íslenskri þýðingu:

„Reynisfjara – svarta sandströndin… 💔

Gott dæmi um náttúruval…

Ef þú ferðast um Ísland og vilt láta náttúruna sjá um þig, þá er það þitt val — en vinsamlega sýndu fallega landi okkar, stórbrotinni náttúru og umhverfi virðingu.

Ef þú kemur til þessa fallega lands sem kallast Ísland, er eina sem við biðjum um að þú virðir náttúruna.
Þú kemur hingað vegna náttúrunnar, svo vinsamlega virðu náttúruna okkar, dýralífið, fuglana og náttúrulegt búsvæði þeirra.

Ég talaði við þau… þau vildu vera stjörnurnar, svo kæru vinir — leyfum þeim að vera stjörnurnar á netinu og samfélagsmiðlum í dag! 💔

Vinsamlega deilið og endurbirtu myndbandinu mínu, því þetta er ekki það sem við gerum eða samþykkjum á Íslandi!
Hjálpið okkur að vernda landið okkar fyrir fólki sem vill láta náttúran velja sér örlög og setur aðra í hættu…

Kærar þakkir 🙏🏻❤️“

Myndbandið má svo sjá hér að neðan.