Hlynur Snær Stefánsson, annar eigandi Sportbássins í Faxafeni birti myndskeið fyrir stuttu sem sýnir karlmann hlaupa frá 66° Norður verslun sem einnig er í Faxafeni, með tvær rándýrar úlpur í fanginu.

Maðurinn er grímuklæddur og virðist hafa stolið úlpunum en hann tók á rás út úr versluninni með úlpurnar.

Mannlífi er ekki kunnugt um nákvæmt verð á úlpunum en ljóst er að þær kosta tugi þúsunda króna.

Hvorki náðist í Hlyn Snæ, né í verslun 66° Norður við gerð þessarar fréttar.

Hér fyrir neðan má sjá myndskeiðið.