Heimildin hefur tekið saman sinn árlega Hátekjulista en á honum er að finna tekjuhæstu 1% Íslendinga fundin með ítarlegri leit ritstjórnar. Auk þess tekur hann ekki eingöngu mið af launatekjum heldur einnig fjármagnstekjum, svo sem arðgreiðslum til eigenda fyrirtækja, en oft eru launatekjur lítill hluti raunverulegra tekna.

Meðal þess sem Heimildin hefur gert er að birta tölurnar og nöfnin eftir sveitarfélögunum.

Í 1. sæti á Suðurlandi er Sigurður Elías Guðmundsson, hóteleigandi í Vík, með 429.940.687 krónur í heildartekjur. Hann er í 55. sæti á heildarlistanum.

Í 19. sæti á Suðurlandi er Eyþór Kristján Guðjónsson, einn af eigendum Sky Lagoon, með 161.277.788 krónur í heildartekjur. Hann er í 234. sæti á heildarlistanum.