Maðurinn sem lést í vinnuslysi í Vík í Mýrdal á föstudag hét Pálmi Kristjánsson.

Pálmi var fæddur 1983 og var búsettur í Vík. Hann lætur eftir sig sambýliskonu og tvö börn. Þetta kemur fram í frétt Vísis.

Það var klukkan 13:45 á föstudaginn sem tilkynning barst um slysið en viðbragðsaðilar, lögreglan, sjúkraflutningamenn og læknir voru fljótir á vettvang. Endurlífgunartilraunir sem gerðar voru á staðnum báru ekki árangur.

Rannsókn miðar vel segir Garðar Már Garðarson, aðalvarðstjóri hjá lögreglunni á Suðurlandi í samtali við Vísi og að lögreglan telji sig vita hvað kom fyrir. Þó standi rannsóknin enn yfir.

„Það er þó ekkert saknæmt sem hefur átt sér stað þarna eða einhver glæfraskapur. Þetta er fyrst og fremst alveg hörmulegt slys,“ segir Garðar Már í samtali við Vísi.

Búið er að stofna styrktarreikning fyrir sambýliskonu Pálma til að létta undir með henni.

Styrktarreikningurinn: 0370-22-105092

Kt. 260586-4679