Ástandið á Gaza er hörmulegt og börn deyja þar úr hungri á hverjum degi því Palestínumönnum er neitað um lífsnauðsynlega hjálparaðstoð og hafa nú um sextíu þúsund manns verið myrt af her Ísraela sem engu eirir og gefur aldrei grið.

Fjölmiðlamaðurinn Stefán Einar Stefánsson er á bandi Ísraela í þeim hörmungum sem nú dynja yfir Palestínumenn á Gaza.

Stefán Einar segir að Þjóðkirkjan gleymi alveg að biðja fyrir þeim gíslum ísraelsku sem enn eru í haldi Hamaz-samtakanna og segir á Facebook-síðu sinni að „Þjóðkirkjan mín gerir vel með því að biðja fyrir friði á Gaza. Það er hlutverk hennar og friður verður að komast þar á. En kirkjan og biskuparnir gullslegnu gleyma alveg að biðja fyrir gíslunum 50 sem enn eru í haldi morðhundanna sem hleyptu þessu öllu af stað.“

Stefán Einar spyr af hverju það sé svo að enginn hjá Þjóðkirkjunni biðji fyrir áðurnefndum gíslum er verið hafa í haldi Hamas frá því í október árið 2023..

„Yfirsjón? Vinsældakapphlaup? Eða bara heimska? Kannski er það gyðingahatur eftir allt saman“ og að mati Stefáns Einars er ekkert ógeðfelldara fyrirbæri til en gyðingahatur.

Stefán Einar er ekkert að spara stóru orðin í færslu sinni og er á því að gyðingahatur sé mikið hér á landi og þar í hópi megi finna marga þjóðþekkta einstaklinga.

Hann segir einnig að gyðingahatur grasseri „á Íslandi undir handleiðslu brjálaðra manna á borð við Svein Rúnar Hauksson, Egil Helgason og Björn Brynjúlf Björnsson, svo ekki sé minnst á Möggu Stínu og hyskið sem vinnur skemmdarverk á opinberum byggingum án þess að hinn getulausi lögreglustjóri í Reykjavík hreyfi legg né lið.“