Til sölu er afar glæsilegt og rúmgott einbýlishús á eftirsóttum stað í Vatnsendahverfi, innst í rólegri botnlangagötu. Húsið er skráð alls 336,6 fermetrar og býður upp á fjölbreytta nýtingarmöguleika, þar sem í því eru tvær sjálfstæðar íbúðir auk stúdíóíbúðar í bílskúr. Auðvelt er að sameina íbúðirnar og skapa eina stóra og fjölskylduvæna heild.

Lóð hússins er einstaklega stór, eða 1.171 fermetri, og býður upp á rúmgott bílaplan með aðstöðu fyrir um 10–15 bíla. Hús og lóð hafa fengið afar gott viðhald og eru til fyrirmyndar.

Á undanförnum árum hefur eignin verið mikið endurnýjuð samkvæmt eigendum. Þar má meðal annars nefna nýtt eldhús í aðalíbúð, endurnýjuð baðherbergi, nýjar innihurðir og parket á báðum íbúðum.

Aðalíbúðin er á efri hæð hússins og skiptist í fimm herbergi, þar af fjögur rúmgóð svefnherbergi. Íbúð á neðri hæð er þriggja herbergja með einu til tveimur svefnherbergjum. Samtals eru fjögur baðherbergi í húsinu sem eykur þægindi og möguleika fyrir stærri fjölskyldur eða fjölbýla nýtingu.

Eignin gæti hentað sérstaklega vel stórfjölskyldum eða þeim sem vilja hafa möguleika á leigutekjum samhliða eigin búsetu.

Staðsetningin er afar góð með skóla og leikskóla í hverfinu og helstu þjónustu í næsta nágrenni, svo sem matvöruverslun, líkamsræktarstöðvar, veitingastaði, heilsugæslu og aðra þjónustu.

Eigendur eru opnir fyrir skiptum á minna einbýlishúsi, raðhúsi eða parhúsi sem er nýlegt eða í góðu ástandi, með að lágmarki fjórum svefnherbergjum.

Annars vilja eigendurnir 238.500.000 milljónir fyrir húsið.