Sameiginleg æfing Lögreglunnar á höfuðborgarsvæðinu, sérsveitar ríkislögreglustjóra og Slökkviliðs höfuðborgarsvæðisins fer fram í dag.

Í tilkynningu lögreglu kemur fram að ökutæki viðbragðsaðila kunni að vera meira áberandi í umferðinni en venjulega á meðan æfingin stendur yfir.

Æfingin fer fram víða á höfuðborgarsvæðinu og lýkur um hádegi. Lögreglan biður vegfarendur um að sýna skilning og þolinmæði vegna hennar.

Íbúar í Hafnarfirði munu líklega helst verða varir við æfinguna, samkvæmt tilkynningu lögreglu.