Þórhildur Sunna Ævarsdóttir kallar Stefán E. Stefánsson, siðfræðing og fjölmiðlamann, illgjarnt hrekkjusvín í nýlegri Facebook-færslu.

Fyrrum þingkona Pírata, sem og Evrópuráðsþingsins, Þórhildur Sunna Ævarsdóttir blandaði sér í fyrradag í umræðuna um þá ákvörðun borgarstjórnar að draga loksins fána Palestínu að húni við ráðhús Reykjavíkur. Stefán E. Stefánsson vakti reiði margra eins og svo oft áður með orðum sínum en hann talaði gegn stuðningi Reykjavíkurborgar við Palestínu, sem Ísraelar hafa stundað þjóðarmorð síðan í október 2023. Kallaði hann Alexöndru Briem, sem er trans kona, kynskipting.

Þórhildur Sunna segir í færslu á Facebook að Stefán hafi þar sýnt hitt rétt innræti, líkt og oft áður, sem hún segir myglað:

„Stefán Einar, sem margoft hefur opinberað innræti sitt, en nýtur vinsælda meðal álitsgjafa þessa lands sem “fíla hvað hann er beinskeittur” upplýsir okkur enn og aftur um myglað innrætið er hann skrifar af fúsum og frjálsum vilja um samstöðugjörning Reykjavíkurborgar með þolendum þjóðarmorðs í Palestínu,“ segir Þórhildur Sunna og bætir við orðum Stefáns:

„Þarna sést meðal annarra Alexandra Briem á myndinni. Hún er kynskiptingur. Við vitum hvernig stjórnvöld í Palestínu fara með hennar líka. Þeir myrða það fólk köldu blóði.

Hún óskar þess að Hamas-dauðasveitirnar hafi sigur á því samfélagi! Hversu heimskt getur fólk orðið þegar það trommar upp stuðning við fólk sem vill það feigt og hatar það heilu hatri fyrir það sem það er? Er farið að bjóða upp á aðgerðir í heilbrigðiskerfinu þar sem heilinn er tekinn úr fólki en ekki maginn eða önnur líffæri?“

Að lokum kallar þingkonan fyrrverandi siðfræðinginn illgjarnt hrekkjusvín:

„Hvenær hættir fólk að setja þetta illgjarna hrekkjusvín á einhvern verðlaunapall?“