Ungliðahreyfing Viðreisnar, Uppreisn, hélt sitt Landsþing þann 17. maí - og kaus þar nýja framkvæmdastjórn; ályktaði síðan gegn áformum ríkisstjórnarinnar um afnám samsköttunar.

Kemur fram á Vísi að Landsþingið hafi ályktað að áform ríkisstjórnarinnar gangi alfarið gegn stefnu Viðreisnar; sé hreinlega þvert á það sem flokkurinn talaði um í síðustu Alþingiskosningum.

Ný framkvæmdarstjórn Uppreisnar var kosinn á þinginu og hlaut laganeminn Sverrir Páll Einarsson kjör sem forseti hreyfingarinnar; tók þar við af Gabríeli Ingimarssyni.

Aðrir stjórnarmeðlimir er náðu kjöri voru þau Una Rán Tjörvadóttir varaforseti, og meðstjórnendurnir Oddgeir Páll Georgsson, Arnar Steinn Þórarinsson, Ísak Leon Júlíusson, Hjördís Lára Hlíðberg og Úlfur Atli Stefaníuson.

Lýsti Uppreisn á Landsþinginu yfir mikilli andstöðu við fyrirhugað afnám samsköttunar skattþrepa maka sem kynnt hefur verið af núverandi ríkisstjórn.

„Einsett loforð í kosningum var að hækka ekki tekjuskatt. Viðreisn stendur gegn skattahækkunum á tekjuskatti einstaklinga. Þrátt fyrir að ekki sé um að ræða beina skattahækkun þá leiðir breytingin óhjákvæmilega til þess að launafólk mun þurfa að greiða meira í tekjuskatt,“ sagði í ályktun Landsþingsins.