Ekkert lát er á svikapóstum þessa dagana en lögreglan á höfuðborgarsvæðinu vekur athygli á einum pósti sem margir hafa fengið undanfarið.

Pósturinn er merktur sem sendur að undirlagi Interpol og undirritaður af „þjóðarfulltrúa“ hjá íslensku lögreglunni, en lögreglan segir þetta „að sjálfsögðu við engin rök að styðjast og er algjör vitleysa.“ Segir lögreglan að best sé að henda póstinum strax í ruslið.

Lögreglan varar einnig við SMS-skilaboðum sem virðast koma frá raforkusölum. Slík skilaboð eru einnig fölsuð og eiga að fara beint í ruslið.