Donald Trump Bandaríkjaforseti sagði í dag að Bandaríkin þyrftu að taka yfir Grænland fyrir „heimsfrið“, þar sem hann ítrekaði áform sín um að innlima nágrannaland Íslands vegna hernaðarlegs mikilvægis og auðlinda.

„Við erum ekki að tala um frið fyrir Bandaríkin. Við erum að tala um heimsfrið. Við erum að tala um alþjóðlegt öryggi,“ sagði Trump við blaðamenn í Hvíta húsinu á meðan JD Vance varaforseti og aðrir bandarískir embættismenn voru í heimsókn á herstöð á Grænlandi.