Maður sem heitir Sigurður hefur verið dæmdur í 30 daga fangelsi af Héraðdómi Reykjavíkur.
Hann var ákærður fyrir að hafa, þriðjudaginn 19. mars 2024, á heimili sínu í Reykjavík, haft í vörslum sínum í sölu- og dreifingarskyni 36 kannabisplöntur og hafa um nokkurt skeið fram til þess dags ræktað greindar plöntur sem lögregla fann við leit í íbúðinni.
Sigurður játaði ræktunina en neitaði að það hafi verið gert í sölu- og dreifingarskyni. Hann hélt því fram að afurðirnar yrðu eingöngu til einkaneyslu. Dómarinn sagði það hins vegar ekki trúverðugt. Samkvæmt dómnum fór ræktun Sigurðar fram í hjónaherbergi íbúðarinnar sem þær fundust í.
Við leit á heimili Sigurðar fann hún reiðufé að andvirði samtals 324.000 krónur sem hún taldi að væri vegna fíkniefnasölu. Sigurður mótmælti því og sagðist hafa unnið peninginn í póker og bar kunningi hans vitni um að hann hafi verið sigursæll pókerspilari og komið út í hagnaði. Dómarinn taldi ekki sannað að Sigurður hafi eignast peninginn með sölu fíkniefna og fékk því þá fjárhæð aftur.
Dómur Sigurðar er skilorðsbundinn til tveggja ára. Þá sætti hann upptöku á 36 kannabisplöntum, þremur hitamælum, þremur kolasíum, fjórum viftum, fjórum lömpum, einu rakatæki, og einni vatnsdælu.
Hann þarf að greiða málsvarnarlaun skipaðs verjanda síns en sú upphæð er 1.100.000 krónur. Einnig þarf hann að greiða 234.946 krónur í annan sakarkostnað.
