Fastlega er reiknað með því að Guðrún Hafsteinsdóttir, formaður Sjálfstæðisflokksins, fái mótframboð á landsfundi flokksins á næsta ári. Flokkur hennar vann mikinn sigur í sveitarstjórnarkosningunum sem styrkti hana um tíma.
Nú flýgur fyrir að andófsliðið gegn Guðrúnu sé skipað þingmönnunum Jóni Gunnarssyni, Hildi Sverrisdóttur og Rósu Guðbjartsdóttur. Meira að segja varaformaðurinn Jens Garðar Helgason er sagður standa í makki um að velta formanninum úr sessi. Helsti bandamaður Guðrúnar er sagður vera Guðlaugur Þór Þórðarson alþingismaður og ráðherra í fráhvörfum.
Guðrúnu er helst talið til vansa að skorta foringjahæfileika og vera illmælandi á enska tungu eins og fram kom í frægum hlaðvarpsþætti þar sem hana rak ítrekað í vörðurnar. Guðrún er reyndar altalandi á þýsku.
Hópurinn er sagður horfa hýru auga til Ásdísar Kristjánsdóttur, bæjarstjóra í Kópavogi, sem arftaka Guðrúnar. Þá eru einhverjar hugmyndir uppi um að Hildur Björnsdóttir borgarstjóri kunni að vera tilkippileg og telji sig vera vel til þess fallna að leiða sigurgöngu flokksins ...
