HPV-bólusetningar taldar hafa komið í veg fyrir um 200 dauðsföll í Englandi

HPV-bólu­setn­ingar hafa skilað miklum árangri í bar­átt­unni gegn leg­hálskrabba­meini í Englandi. Engin kona á aldr­inum 20–24 ára lést af völdum sjúk­dóms­ins á árunum 2020 til 2024 sam­kvæmt nýrri rann­sókn. Talið er að bólu­setn­ing­arnar hafi þegar komið í veg fyrir um 200 dauðs­föll.

Rann­sóknin var unnin af vís­inda­mönnum við Queen Mary-háskól­ann í Lundúnum og birt í vís­inda­rit­inu The Lancet en sagt er frá henni í net­miðlum. Hún sýnir áhrif bólu­setn­ing­ar­á­ætl­unar sem hófst í Englandi árið 2008.

Konurnar í ald­urs­hópnum til­heyra fyrstu kyn­slóð­inni sem fékk HPV-bólu­setn­ingu í skólum. Vís­inda­menn áætla að um 23 konur hefðu lát­ist úr leg­hálskrabba­meini á tíma­bil­inu ef bólu­setn­ing­arnar hefðu ekki komið til.

HPV er algeng veira sem smit­ast við nána snert­ingu húðar. Ákveðnar gerðir hennar geta valdið frumu­breyt­ingum sem síðar þró­ast í krabba­mein. Veiran er talin orsök nær allra til­fella leg­hálskrabba­meins.

Nýrri HPV-bólu­efni veita vörn gegn níu gerðum veirunnar og geta komið í veg fyrir allt að 90 pró­sent til­fella sjúk­dóms­ins. Besti árang­ur­inn næst þegar börn eru bólu­sett áður en þau verða útsett fyrir veirunni.

Þrátt fyrir árang­ur­inn leggja sér­fræð­ingar áherslu á að konur haldi áfram að mæta í leg­háls­skimun, enda veiti bólu­efnið ekki vörn gegn öllum gerðum HPV-veirunnar.

Áhyggjur eru jafn­framt af minnk­andi þátt­töku í bólu­setn­ingum eftir Covid-far­ald­ur­inn. Skóla­lok­anir, rangar upp­lýs­ingar um öryggi bólu­efn­anna og skortur á sam­þykki for­eldra hafa meðal ann­ars haft áhrif.

Breska heil­brigð­is­kerfið stefnir að því að útrýma leg­hálskrabba­meini sem lýð­heilsu­vanda fyrir árið 2040. Nið­ur­stöð­urnar eru taldar sýna hversu mikil áhrif mark­vissar bólu­setn­ingar geta haft á heilsu heillar kyn­slóðar.