Verkfall á Kanaríeyjum getur raskað ferðum til og frá flugvöllum

Ferða­menn og íbúar á Kanarí­eyjum eru hvattir til að kynna sér hvernig verk­fall sem hefst á morgun, mið­viku­dag­inn 11. nóv­em­ber, getur haft áhrif á ferða­lög þeirra.

Verk­fallið stendur yfir í 24 klukku­stundir og nær til bæði opin­berra starfs­manna og einka­geirans, þar á meðal almenn­ings­sam­gangna. Þrátt fyrir að tryggð verði lág­marks­þjón­usta í mik­il­vægum rekstri er búist við að verk­fallið geti valdið aflýs­ingum, töfum og breyt­ingum á ferðum til og frá flug­völlum.

Samkvæmt nýrri reglu­gerð, sem birt var í Stjórn­ar­tíð­indum Kanarí­eyja í gær, verður að tryggja 40% af dag­legum ferðum hvers flutn­ings­að­ila með far­þega milli flug­valla eða hafna og áfanga­staða ferða­manna.

Regl­urnar ná meðal ann­ars til skipu­lagðra rútu­ferða sem ferða­menn hafa bókað fyr­ir­fram til að kom­ast frá flug­völlum á hótel sín.

Þetta þýðir þó ekki að fyr­ir­tækin muni sjálf­krafa fella niður 60% allra ferða. Það ræðst af þátt­töku starfs­manna í verk­fall­inu og því hvernig ein­stök fyr­ir­tæki haga starf­semi sinni. Ferða­menn eru því hvattir til að hafa beint sam­band við flutn­inga­fyr­ir­tæki eða ferða­skipu­leggj­endur og stað­festa hvenær þeirra verður vitjað.

Búast má við að verk­fallið hafi einnig áhrif á leigu­bíla­þjón­ustu, þótt ekki liggi enn fyrir hversu mikil rösk­unin verður. Reglan um 40% lág­marks­þjón­ustu gildir ekki sjálf­krafa um leigu­bíla, þar sem sér­stök ákvörðun um þá þjón­ustu hefur ekki verið gefin út.

Á flug­völl­unum gilda sér­stakar reglur um örygg­is­gæslu. Þar verður að tryggja að 90% starfs­manna einka­rek­inna örygg­is­fyr­ir­tækja séu við störf. Sú tala segir hins vegar ekk­ert til um hversu mörg flug verða farin og er ekki trygg­ing fyrir því að 90% flug­ferða verði sam­kvæmt áætlun.

Verk­fallið nær einnig til fleiri þátta sam­fé­lags­ins en flugs og rútu­ferða. Lág­marks­þjón­usta verður tryggð í nauð­syn­legum rekstri raf­orku- og elds­neyt­isveitna, en skólar hafa fengið sér­stakar leið­bein­ingar um starf­semi sína á verk­falls­dag­inn.

Breskir og írskir ferða­menn eru sér­stak­lega hvattir til að kanna hvort breyt­ingar verði á báðum hlutum ferð­ar­innar: flug­inu sjálfu og sam­göng­unum til og frá flug­vell­inum. Þótt flugið sé stað­fest er ekki þar með tryggt að rúta eða fyr­ir­fram bókuð flug­vall­arakst­ur­þjón­usta gangi sam­kvæmt áætlun.