Þríhliða viðræður Rússlands, Úkraínu og Bandaríkjanna hafnar

Þríhliða við­ræður full­trúa Rúss­lands, Úkraínu og Banda­ríkj­anna eru hafnar í Abu Dhabi í Sam­ein­uðu arab­ísku fursta­dæm­unum. Þetta er í fyrsta sinn síðan í febr­úar sem full­trúar ríkj­anna þriggja funda saman.

Gert er ráð fyrir að við­ræð­urnar standi yfir í tvo daga, 10.–11. nóv­em­ber, og verða land­svæða­mál og örygg­is­trygg­ingar á dag­skrá.

Áður en form­legar við­ræður hófust fund­aði úkra­ínska sendi­nefndin með full­trúum Bret­lands, Frakk­lands, Þýska­lands, Ítalíu, Atl­ants­hafs­banda­lags­ins (NATO) og fram­kvæmda­stjórnar Evr­ópu­sam­bands­ins.

Rustem Umerov, sem fer fyrir úkra­ínsku sendi­nefnd­inni, sagði að banda­rísku erind­rek­arnir Steve Witkoff og Jared Kushner myndu einnig taka þátt í fund­inum til að sam­ræma afstöðu áður en þrí­hliða við­ræð­urnar hæfust.

Sendi­nefnd Rúss­lands er undir for­ystu Vla­dimirs Med­in­skys og í henni sitja meðal ann­ars Sergei Ryabkov og Mikhail Galuzin, aðstoð­arutan­rík­is­ráð­herrar, Igor Kostyu­kov, aðstoð­ar­yf­ir­maður rúss­neska her­for­ingja­ráðs­ins, og Yuri Zhigarlovsky, aðstoð­ar­for­stjóri aðgerða­stjórn­un­ar­deildar her­for­ingja­ráðs­ins.

„Við vonum að fund­ur­inn í dag, með svo hátt­settri sendi­nefnd, sem hefur stækkað og orðið enn fag­legri, geri okkur kleift að ná árangri í átt að friði,“ sagði Medinsky. Hann þakk­aði jafn­framt Banda­ríkj­unum fyrir „frið­ar­til­raunir“ þeirra.

Í úkra­ínsku sendi­nefnd­inni eru einnig Kyrylo Budanov, skrif­stofu­stjóri for­seta Úkraínu, aðstoð­ar­maður hans Serhii Kyslytsia, Davyd Arak­hamia, þing­flokks­for­maður stjórn­ar­flokks­ins, og Vadym Ski­bitsky, aðstoð­ar­for­stjóri úkra­ínsku leyni­þjón­ust­unnar á sviði hern­að­ar­mála.

Samkvæmt rúss­nesku rík­is­frétta­stof­unni TASS situr Alexus Grynkewich, æðsti yfir­maður her­afla NATO í Evrópu, einnig við samn­inga­borðið ásamt sendi­nefndum Banda­ríkj­anna, Rúss­lands og Úkraínu.