Huckabee segir Satan stjórna andstæðingum Íranstríðsins

Mynd­skeið úr hlað­varps­við­tali við Mike Huckabee, sendi­herra Banda­ríkj­anna í Ísrael, þar sem hann heldur því fram að þeir sem and­mæli stríði Banda­ríkj­anna og Ísraels gegn Íran þjá­ist af „and­legu myrkri“, hefur vakið hörð við­brögð á net­inu. Gagn­rýnin kemur meðal ann­ars úr röðum banda­rískra íhalds­manna.

Í við­tali í hlað­varp­inu The Anchor Podcast þann 23. októ­ber, þar sem ísra­elski þátta­stjórn­and­inn Amir Tsarfati ræddi við Huckabee, sagði sendi­herr­ann að „Satan hefði blindað huga“ þeirra sem gagn­rýndu stríðið gegn Íran og „náð tökum á hugsun þeirra“.

And­stæð­ingar stríðs­ins þjáð­ust af „and­legu myrkri og and­legri blindu“, bætti hann við.

Mynd­skeiðið fór á flug á net­inu um helg­ina og hefur vakið mikla gagn­rýni í kjöl­far þing­kosn­ing­anna í Banda­ríkj­unum. Kosn­ing­arnar eru víða taldar hafa verið eins konar dómur kjós­enda yfir rík­is­stjórn Donalds Trump Banda­ríkja­for­seta, ekki síst vegna stríðs­ins gegn Íran.

„Ég veit að það hljómar kannski svo­lítið und­ar­lega að sendi­herra tali með þessum hætti,“ segir sendi­herr­ann Huckabee þegar hann heldur því fram að fólk sem er and­vígt stríð­inu í Íran sé undir stjórn Satans. „Já, það gerir það sann­ar­lega!“ skrif­aði Andrew Day, aðal­rit­stjóri tíma­rits­ins The American Conservative.

Aðrir hafa brugð­ist við mynd­skeið­inu með því að krefj­ast þess að Huckabee verði lát­inn víkja úr emb­ætti sínu.