Blóðbað á markaðstorginu í Kraká

Að minnsta kosti fimm manns lét­ust og rúm­lega tugur særð­ist í skotárás úr bif­reið í mið­borg Kraká í Póllandi í dag, að sögn yfir­valda.

Vopnaður maður ók inn á fjöl­farið mark­aðs­torg borg­ar­innar um klukkan 15 að stað­ar­tíma og hóf að skjóta af handa­hófi á fólk úr bif­reið­inni á ferð, að því er lög­reglan í Małopol­ska-hér­aði greindi frá. Hinn grun­aði hefur verið hand­tek­inn.

Lög­reglan segir að mað­ur­inn hafi sjálfur verið skot­inn og fluttur á sjúkra­hús í lög­reglu­fylgd. Neyð­ar­sveitir voru enn að störfum á vett­vangi. Ekki hafði verið greint frá því hver hinn grun­aði væri.

Tveir lög­reglu­menn voru meðal þeirra sem særð­ust í árásinni, að sögn Huberts Ciepły, tals­manns slökkvi­liðs­ins. Lögregla og aðrar neyð­ar­sveitir, þar á meðal þyrla sjúkra­flugs, voru á vett­vangi.

Slökkvi­liðið hvatti íbúa til að halda sig fjarri svæð­inu í kringum aðal­mark­aðs­torgið og sagði það enn vera hættu­svæði, klukku­stund eftir árás­ina.

Donald Tusk, for­sæt­is­ráð­herra Póllands, sagði í yfir­lýs­ingu á sam­fé­lags­miðlum:

„Lög­reglan rann­sakar aðdrag­anda árás­ar­innar og allar aðstæður í kringum hana.“

Yfirvöld höfðu áður greint frá því að tveir hefðu lát­ist og tíu særst í árásinni á laug­ar­dag.