Faðir kvartaði of snemma undan barnavernd

Umboðs­maður Alþingis hefur lokið athugun á kvörtun föður vegna máls­með­ferðar barna­vernd­ar­þjón­ustu við rann­sókn máls sem varð­aði dóttur hans. Ástæðan er sú að sam­bæri­leg kvörtun er enn til með­ferðar hjá Gæða- og eft­ir­lits­stofnun vel­ferð­ar­mála.

Málið hófst þegar barna­vernd­ar­þjón­ustu barst til­kynn­ing. Athugun þess lauk 22. des­em­ber 2025. Nið­ur­staðan var að ekki þyrfti að veita stuðn­ing sam­kvæmt barna­vernd­ar­lögum.

Faðir stúlkunnar kvart­aði yfir máls­með­ferð­inni til Gæða- og eft­ir­lits­stofn­unar vel­ferð­ar­mála 14. októ­ber síð­ast­lið­inn og til umboðs­manns Alþingis degi síðar en umboðs­mað­ur­inn birti nið­ur­stöðu sína á vefnum í byrjun nóv­em­ber.

Í nið­ur­stöðu umboðs­manns kemur fram að stjórn­völd og sér­stakir eft­ir­lits­að­ilar skuli almennt fá tæki­færi til að fjalla um kvart­anir áður en mál eru tekin til athug­unar hjá emb­ætt­inu.

Þar sem kvörtunin var enn til með­ferðar hjá eft­ir­lits­stofn­un­inni taldi umboðs­maður ekki for­sendur til frek­ari afskipta.

Faðirinn getur leitað aftur til umboðs­manns ef hann er ósáttur við nið­ur­stöðu stofn­un­ar­innar að sögn umboðs­manns