Foreldrar Hönnuh Jane neita að kalla harmleikinn á Krýsuvíkurvegi slys

For­eldrar Hönnuh Jane Large, írsku stúlkunnar sem lést í hörmu­legu bílslysi á Krýsu­vík­ur­vegi í ágúst ásamt tveimur íslenskum ung­mennum, segj­ast ekki geta sætt sig við að atburð­ur­inn sé skil­greindur sem slys. Vís­bend­ingar séu um að bif­reið­inni hafi verið ekið á rúm­lega 200 kíló­metra hraða.

Þetta kemur fram í við­tali við for­eld­rana, Gregory og Samantha Large, í nýjasta tölu­blaði Heim­ild­ar­innar.

For­eldr­arnir segja að þau hafi í fyrstu verið afar reið út í öku­mann bif­reið­ar­innar. Gregory telur að ekki sé hægt að tala um slys þegar ekið sé á slíkum ofsa­hraða.

„Ég get ekki kallað þetta slys. Ég bara get það ekki,“ segir Gregory í sam­tali við Heim­ild­ina.

Ofsaakstur eftir minningarathöfn

For­eldr­arnir lýsa einnig sárri reynslu eftir minn­ing­ar­at­höfn um dóttur þeirra í Hafn­ar­firði. Athöfnin hafi verið fal­leg en hegðun nokk­urra ungra öku­manna að henni lok­inni hafi vakið reiði þeirra.

„Þeir þöndu vél­arnar og þutu í burtu á ofsa­hraða. Það var bara van­virð­ing við þann harm­leik sem átti sér stað,“ segir Gregory.

For­eldr­arnir segj­ast hafa fengið tak­mark­aðar upp­lýs­ingar frá lög­reglu um til­drög slyss­ins. Þau telja að sjö til átta bif­reiðir hafi verið í sam­floti umrætt kvöld og vilja fá skýr­ari svör um atburða­rás­ina.

Sorgin er jafn­framt yfir­þyrm­andi þegar þau hugsa til fram­tíð­ar­innar sem dóttir þeirra fékk aldrei að upp­lifa.

„Minn­ingar sem aldrei urðu til. Að hún verði aldrei 21 árs. Að hún muni aldrei gift­ast. Að við munum aldrei fá í hend­urnar börnin hennar,“ segir Samantha við Heim­ild­ina.