Fyrsti dagur Russells Brand í Wandsworth-fangelsinu í Lundúnum er sagður hafa verið „niðurlægjandi“.
Brand var á fimmtudag fundinn sekur um eitt nauðgunarbrot og þrjú kynferðisbrot. Til stendur að kveða upp dóm yfir honum á morgun.
Dómarinn sagði hinum 51 árs gamla Brand að hann ætti yfir höfði sér langa fangelsisvist. Hann hafnaði jafnframt beiðni lögmanns Brand um að honum yrði veitt lausn gegn tryggingu svo hann gæti kvatt börnin sín. Þess í stað var honum gert að sæta áframhaldandi gæsluvarðhaldi.
Því hefur verið haldið fram að föngum í Wandsworth-fangelsinu, þar sem Brand er vistaður, hafi verið bannað að ræða við hann. Ein heimild sem Mirror ræddi við, eftir að hafa heimsótt son sinn í fangelsið, sagði:
„Sonur minn sagði að Brand væri á hæðinni fyrir neðan hann. Hann sagði að enginn mætti hitta hann eða tala við hann.“
Brand er sagður hafa þurft að „afklæðast í móttökunni“ þegar hann kom fyrst í fangelsið í suðurhluta Lundúnum.
Heimildarmaður sagði við The Sun:
„Fyrsta nóttin í fangelsi er mjög ógnvekjandi fyrir hvern sem er, og Brand var skelfingu lostinn. Allir fangar þurfa að afklæðast í móttökunni, sem er niðurlægjandi reynsla og harkaleg áminning um að nú séu aðstæður gjörbreyttar.“
Sérðu villu? Láttu okkur vita
Það tókst ekki að sækja formið. Reyndu aftur eftir augnablik.
Kynferðisbrot
Lögreglustjóri í Lundúnum útilokar ekki að fleiri konur stígi fram vegna Russell Brand
Sextán ára stúlka í Reykjavík tók eigin nauðgun upp á síma
Jóhann dæmdur í 18 mánaða fangelsi fyrir barnaníðsefni
Geymdi milljón myndir og myndskeið af misnotkun eiginkonunnar
Ómenning að líta á kynferðisbrot sem „fórnarkostnað við skemmtun“
Athugasemdir