Myndskeið sem sýnir ísraelskan ferðamann ýta srilönskum leiðsögumanni útbyrðis og hlæja á meðan atvikið er tekið upp hefur farið víða á samfélagsmiðlum og vakið mikla reiði.
Á myndskeiðinu sést hópur ísraelskra ferðamanna í báti á Sri Lanka. Einn þeirra ýtir skyndilega karlkyns leiðsögumanni útbyrðis þar sem hann drekkur úr flösku. Hinir ferðamennirnir skella upp úr á meðan leiðsögumaðurinn svamlar í sjónum.
Myndskeiðið hefur vakið hörð viðbrögð á netinu. Notendur samfélagsmiðla hafa meðal annars gagnrýnt framkomu ferðamannanna gagnvart starfsmanninum á staðnum og dregið í efa að hegðun þeirra sé ásættanleg.
Ferðamennirnir sögðu atvikið hafa verið grín og að leiðsögumaðurinn væri ómeiddur.
„Þetta var bara grín, starfsmanninum líður vel og það var ekki ætlunin að vera vondur við hann,“ sögðu þeir.
Þeir lýstu jafnframt yfir áhyggjum af neikvæðum viðbrögðum og gagnrýni sem þeir hefðu fengið eftir að myndskeiðið fór í dreifingu.
Útskýringar þeirra hafa þó lítið dregið úr umræðunni og heldur myndskeiðið áfram að vekja athygli á samfélagsmiðlum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir