Ísraelskir dómstólar hafa hafnað tveimur beiðnum um að 14 palestínskir læknar frá Gasasvæðinu verði látnir lausir, að sögn mannréttindasamtakanna Physicians for Human Rights Israel (PHRI).
Samkvæmt palestínsku fréttastofunni Wafa segja samtökin að læknarnir, þar á meðal sjúkrahússtjórar og sérfræðilæknar, séu í haldi í ísraelskum fangelsum án þess að hafa verið ákærðir eða leiddir fyrir dóm. Sumir þeirra hafi verið í haldi í meira en tvö ár.
Samtökin segja að varðhald læknanna svipti íbúa Gasa nauðsynlegri heilbrigðisþjónustu á sama tíma og heilbrigðiskerfið þar glími við alvarlegan skort á heilbrigðisstarfsfólki eftir meira en þriggja ára stríð.
Naji Abbas, talsmaður PHRI, segir úrskurði dómstólanna sýna hversu alvarleg mannréttindabrot palestínskir læknar í ísraesku haldi verði fyrir og jafnframt að ísraelskir dómstólar bregðist skyldu sinni til að vernda réttindi þeirra.
Hann segir að föngum megi ekki meina aðgang að heilbrigðisþjónustu vegna stöðu þeirra eða ásakana um öryggisógn. Ísrael geti ekki haldið læknum í fangelsi án dóms og laga og jafnframt neitað þeim um grundvallarheilbrigðisþjónustu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir