Hann Sigurjón Þórðarson, þingmaður Flokks fólksins, ákvað að fara í algjöra nauðvörn í gær þegar hann vísaði í Sjálfstæðisflokkinn sem hina nýju Pírata í viðtali á Vísi.
Það gerði hann vegna þess að Guðlaugur Þór Þórðarson, þingmaður Sjálfstæðisflokksins, hefur sent inn fyrirspurnir til ráðuneyta um hvað ríkisstjórnin er að bauka og það kann Sigurjón ekki að meta. Það verður að segjast að illa er komið fyrir þeim þingmönnum sem vilja opinberlega takmarka aðgang annarra þingmanna að gögnum og upplýsingum.
Þá þykir líka einstaklega spaugilegt að reyna að nota Pírata sem skammaryrði í ljósi þess að enginn flokkur hefur veitt ríkisstjórnum jafn mikið aðhald og Píratar á þessari öld og það veit Guðlaugur Þór manna best. Þó er skiljanlegt að Sigurjón hafi lítinn áhuga á nánari skoðun í ljósi þeirra alvarlegu innanhússvandamála sem flokkur hans hefur gengið í gegnum á kjörtímabilinu ...
Athugasemdir