Forseti Bandaríkjanna, Donald Trump, vakti mikla athygli á netinu síðustu viku eftir að hafa dregið sig furðumikið í hlé og ekki sést opinberlega í sjö daga. Fór orðrómur á kreik á veraldarvefnum að forsetinn, einn valdamesti maður heimsins, hefði látist í lok ágúst. Myndir af Trump að spila golf með barnabörnum sínum um helgina hjálpuðu ekki til við að hrekja orðróminn, og síðar birtust fleiri myndir sem virtust aðeins styrkja grunsemdir um heilsu hans.
Trump hefur hins vegar hafnað fullyrðingunum og kallað þær „órökstuddar vangaveltur“.
„Aldrei í lífinu liðið betur,“ staðhæfði hann í pósti á Truth Social í gær.
Þrátt fyrir þetta hafa fleiri samsæriskenningar vaxið hratt á netinu. Sumir halda því fast fram að Hvíta húsið hafi notað tvífara til að mynda hinar nýju golfmyndir af Trump. Aðrir sjá vísbendingar um yfirvofandi andlát í því að ný heimsókn hans til Indlands hafi verið felld niður. Tvær vinsælustu kenningarnar snúa að því að hann hafi fengið blóðtappa í heila eða hjartaáfall.
Fjölmargir notendur X (fyrrum Twitter) trúa enn að Trump hafi fengið blóðtappa í heila síðustu viku. Þeir halda því fram að engin önnur útskýring komi til greina. Mörg innlegg á X tala um að takmarkanir á fjölmiðlaaðgangi séu einfaldlega til þess að enginn sjái forsetann í nálægð eða taki skýrar myndir af honum.
„Ef hann hefði horfið og enginn séð hann í yfir sjö daga … þá gæti hann verið á Suðurskautinu að tala við geimverur. Eða í Norður-Kóreu að slaka á með Kim Jong Un. Margt getur átt sér stað án þess að Trump sé dáinn. Þetta? Hann fékk blóðtappa. Punktur. Hvað annað gæti það verið? Persónuleikinn breyttist og hann er nú allt í einu orðinn feiminn?“ spurði einn X-notandi.
„Ég held ekki að hann sé dáinn. En þetta er eins og eitt af þeim augnablikum sem við upplifðum í stjórn Bidens þegar hann hvarf í fimm daga og kom aftur sem aðeins skugginn af upprunalega forsetanum og leit algjörlega öðruvísi út,“ sagði annar.
„Trump fékk blóðtappa í heila“
„Ég tel að vaxandi vísbendingar séu um að Hvíta húsið hylji það að Donald Trump hafi verið að glíma við TIA-heilablóðföll OG að hann hafi líklega fengið alvarlegra heilablóðfall þessa vikuna,“ skrifaði Adam Cochran í færslu sinni.
Cochran, sem hefur yfir 233.000 fylgjendur á X og kallar sig „rannsóknarblaðamann“ en er einnig fjárfestir og prófessor, birti langa 31-færslu þráð til að útskýra kenningu sína. Hann rakti heilsufar Trump allt frá mars 2024 til að styðja mál sitt og sagði að vandamálið hafi byrjað með TIA eða heilaslagi, tímabundnum stíflum á blóðflæði til heilans sem valda heilablóðfallslíkum einkennum. Hann vísaði til mynda og myndbanda af kosningabaráttunni þar sem Trump „dregur“ hægri fótinn, auk fregna um marbletti á höndum hans.
Fyrir þá sem fylgjast ekki náið með á samfélagsmiðlum hafa marblettir á höndum hans verið í fréttum og valdið orðrómi lengi, allt frá því að síðari forsetatíð Trumps hófst. Talsmaður Hvíta hússins, Karoline Leavitt, ásamt Trump sjálfum, hafa endurtekið staðhæft að marblettirnir stafi af of mörgum handaböndum, sem sé óheppilegum fylgifiskur starfsins.
Cochran nefndi einnig núverandi lyfjameðferð forsetans, eins og fram kom í árlegri læknisskoðun, til að benda á að lyfin sem hann er á, séu notuð til að fyrirbyggja heilablóðfall. Hvíta húsið tilkynnti í júlí að Trump hefði greinst með „krónískan bláæðaleka“ eftir nýjan orðróm um bólgna ökla, en samfélagsmiðlar hafa bent á nokkur ósamræmi í þessu samhengi.
