Aron Einar og Eggert búnir að segja lögreglu sögu sína vegna kynferðisbrots

Samkvæmt frétta­stofu RÚV hafa þeir Aron Einar Gunn­ars­son, fyr­ir­liði íslenska karla­lands­liðs­ins í knatt­spyrnu, og Eggert Gunnþór Jónsson, knatt­spyrnu­maður hjá FH, báðir gefið skýrslu hjá lög­regl­unni á höf­uð­borg­ar­svæð­inu er varðar rann­sókn á meintu kyn­ferð­is­broti í Kaup­manna­höfn fyrir ell­efu árum síðan. Mannlíf opn­aði á málið og greindi fyrst frá frá­sögn fórn­ar­lambs­ins.

Greint var frá því í lok sept­em­ber að lög­regla hefði tekið upp rann­sókn á mál­inu að nýju, að beiðni brota­þola. Báðir hafa þeir Aron Einar og Eggert Gunnþór sent frá sér yfir­lýs­ingar þar sem þeir halda fram sak­leysi sínu í mál­inu.

Samkvæmt RÚV fóru skýrslu­tök­urnar yfir báðum mönn­unum fram í vik­unni.

Aron Einar hefur ekki verið val­inn í íslenska lands­liðs­hóp­inn í und­an­förnum leikjum og er það talið vera vegna þessa máls. Aron Einar hefur sjálfur full­yrt að það hljóti að vera vegna sögu­sagna um meint brot.

Ævar Pálmi Pálmason, yfir­maður kyn­ferð­is­brota­deildar, sagði í lok októ­ber að góðar ástæður væru fyrir hendi til þess að opna málið að nýju. Hefði það að gera með ný gögn sem lög­regla hefði undir höndum. Í sam­tali við frétta­stofu RÚV segir hann nú að rann­sókn­inni miði vel. Hann vill þó ekki tjá sig um málið að öðru leyti.

Aron Einar kvaðst í yfir­lýs­ingu sinni sak­laus af ásök­unum og sagði sig fórn­ar­lamb úti­lok­un­ar­menn­ingar KSÍ vegna óljóss orðróms.

Eggert Gunnþór sendi sömu­leiðis frá sér yfir­lýs­ingu þar sem hann lýsti sig full­kom­lega sak­lausan af ásök­un­unum.

Sjá einnig:

Segir tvo þjóð­þekkta Íslend­inga hafa nauðgað sér ítrekað: „Ég skila skömminni, FOKKIÐ YKKUR “