Það var til mikils að vinna fyrir Ísland í leiknum gegn Úkraínu sem fór fram í Póllandi í kvöld. Íslandi dugði jafntefli til að komast áfram í umspil fyrir HM en Úkraína þurfti nauðsynlega að sigra.
Leikmenn Úkraínu voru mun betri allan leikinn og var leikur Íslands gífurlega óskipulagður og náði Ísland ekki að skapa sér eitt alvöru færi í fyrri hálfleik á meðan Úkraína átti skot í slá.
En Ísland náði þó að halda hreinu í fyrri hálfleik en í síðar háflleik tók Úkraína öll völd og sá Ísland varla til sólar en náði þó á einhvern óskiljanlega máta að skapa sér tvö dauðafæri og má segja að markmenn Íslands og Úkraínu hafi verið bestu leikmennirnir á vellinum því Elías í marki Íslands stóð sig frábærlega. Því miður gat hann ekkert gert í marki Úkraínu sem kom á 83 mínútu en Oleksandr Zubkov skoraði eftir hornspyrnu og svaf íslenska liðið algjörlega á verðinum.
Það var svo á 93 mínútu sem Úkraína tryggði sér sigurinn með marki og lokaúrslit því 2-0 sigur Úkraínu.
Athugasemdir