Lakers-goðsögn mætir á OnlyFans

Lamar Odom, fyrr­ver­andi NBA leik­maður og goð­sögn úr liði Los Angeles Lakers, hefur ákveðið að feta nýjar slóðir og ganga til liðs við OnlyFans.

Banda­ríski mið­ill­inn TMZ greinir frá þessu og segir Odom vera fyrstu NBA stjörn­una til að ganga form­lega til liðs við efn­isveit­una. Odom segir sjálfur að fólk eigi þó ekki að gefa sér fyrir fram hvers konar efni hann muni birta þar.

„Fólk heyrir OnlyFans og hugsar sjálf­krafa um eitt ákveðið, en ég ætla ekki að segja ykkur hvað þið munið eða munið ekki sjá,“ segir Odom í sam­tali við TMZ.

Odom, sem er 46 ára, á að baki lit­ríkan feril bæði innan og utan körfu­bolta­vall­ar­ins. Hann lék lengst af með Los Angeles Lakers og varð NBA meist­ari með lið­inu tvö ár í röð, 2009 og 2010. Hann var lyk­il­maður í sterku Lakers liði þess tíma og lék meðal ann­ars við hlið Kobe Bryant og Pau Gasol.

Árið 2011 var Odom jafn­framt val­inn besti sjötti maður NBA deild­ar­innar.

Segir fleiri óvæntar uppákomur eftir

Odom gefur í skyn að fylgj­endur hans á OnlyFans geti fengið að sjá hliðar á honum sem almenn­ingur hefur ekki áður kynnst.

„Ég hef lifað ansi villtu lífi og trúið mér, það eru enn nokkrar óvæntar upp­á­komur eftir. Ég hef alltaf verið eins og opin bók, en það eru nokkrir kaflar sem fólk hefur ekki séð enn,“ segir Odom.

Kærasta hans, Rachel Bradley, hefur einnig stofnað sína eigin síðu á OnlyFans. Samkvæmt heim­ildum TMZ er mögu­legt að parið muni síðar fram­leiða efni saman fyrir veit­una.

Odom hefur verið mikið í sviðs­ljós­inu frá því að NBA ferli hans lauk, meðal ann­ars vegna einka­lífs síns. Hann var áður kvæntur raun­veru­leika­stjörn­unni Khloé Kar­dashian og sam­band þeirra var um ára­bil áber­andi í banda­rískum fjöl­miðlum.

Nú virð­ist Lakers goð­sögnin hins vegar ætla að opna nýjan kafla á ferl­inum og færa sig yfir í heim áskrift­ar­efnis á net­inu.