Tveir í lífshættu eftir að bjarndýr réðst á skólahóp

Nemendur og kenn­arar Acwsalcta skól­ans í Kanada eru heppnir að vera á lífi eftir að bjarn­dýr réðst á hóp þeirra sem var í göngu­ferð.

Árásin átti sér stað á göngu­stíg fyrir utan Bella Coola í Bresku-Kólumbíu í Kanada í gær og slös­uð­ust 11 manns í árásinni í heild­ina og eru tveir þeirra í lífs­hættu sam­kvæmt kanadíska rík­is­sjón­varp­inu.

Kennarar sem voru í ferð­inni reyndu eftir bestu að verja börnin frá bjarn­dýr­inu og hlaut einn kenn­ari mesta áverka af öllum. Voru fjórir ein­stak­lingar sem voru alvar­lega slas­aðir voru fluttir með þyrlu á sjúkra­hús.

Veronica Schooner, móðir 10 ára drengs sem var í ferð­inni, segir að sonur hennar sé hepp­inn að vera á lífi en að björn­inn hafi verið nógu nálægt honum til þess að hann fyndi fyrir feldi dýrs­ins. Allir hafi verið í losti eftir árás­ina og margir hafi grátið.

Kanadísk yfir­völd hafa sagt að þau hafi ekki hug­mynd um hvað varð um björn­inn eftir árás­ina en hans sé nú leitað.