Indónesísk stjórnvöld hafa fyrirskipað rannsókn eftir mannskætt lestarslys sem varð nærri Bekasi Timur lestarstöðin austur af Jakarta. Að minnsta kosti 14 létust og tugir slösuðust þegar langferðalest rakst á kyrrstæða farþegalest seint á mánudagskvöld.
Björgunaraðgerðum lauk á í morgun eftir nærri 12 klukkustundir, að sögn yfirmanns björgunarsveita. Björgunarmenn þurftu að brjóta upp aflagaða vagna til að ná fólki út. Samkvæmt ríkisjárnbrautafyrirtækinu KAI þurftu 84 manns á læknisaðstoð að halda.
Farþeginn Sausan Sarifah sagðist hafa óttast um líf sitt þegar farþegar hrúguðust hver ofan á annan í árekstrinum. Hún slasaðist á handlegg og fæti og var flutt á sjúkrahús.
Talið er að leigubíll hafi rekist á lestina á óvörðu þverunarsvæði, sem olli því að hún stöðvaðist á sporinu áður en áreksturinn varð. Mikill viðbúnaður var á vettvangi þar sem sjúkrabílar biðu í röðum og hundruð áhorfenda fylgdust með.
Forseti Indónesíu, Prabowo Subianto, fyrirskipaði tafarlausa rannsókn og lagði áherslu á að bæta öryggi við járnbrautarþveranir, meðal annars með brúm og gæslu.
Athugasemdir