Karlmaður á sextugsaldri hefur verið ákærður fyrir umferðar- og vopnalagabrot með því að hafa, föstudaginn 18. október 2024, ekið bíl sviptur ökurétti um Vatnsendaveg og að Norðlingabraut 2 í Reykjavík, þar sem lögregla stöðvaði aksturinn og með því að hafa haft í vörslum sínum úðavopn, sem fannst í bifreiðinni.

Þess er krafist að ákærði verði dæmdur til refsingar og til greiðslu alls sakarkostnaðar. Einnig er krafist upptöku á úðavopninu.

Málið verður tekið fyrir í Héraðsdómi Reykjaness en lögreglustjórinn á höfuðborgarsvæðinu er ákærandi í því.

Réttarhöldin hefjast þann 24. mars.