Alls voru 90 mál skráð í dagbók lögreglu í dag en gríðarlega litlar upplýsingar voru veittar um þau mál sem lögreglan hafði fyrir að setja í dagbókina.

Tilkynnt var um samkvæmishávaða og var það afgreitt á staðnum. Þá var brotist inn í ónafngreinda verslun á ótilgreindum stað á höfuðborgarsvæðinu og er málið í rannsókn.

Lögreglan fékk tilkynningu um mannlausa bifreið sem rann á aðra bifreið og þá var einnig tilkynnt um mannlausan bíl sem var á hvolfi utan vegar en ekki voru neinar frekari upplýsingar veittar nema að þetta gerðist í Hafnarfirði, í Garðabæ eða á Álftanesi.

Í Kópavogi eða Breiðholti var í tvígang tilkynnt um þjófnað úr verslun og voru bæði mál afgreitt á staðnum

Svo að lokum var tilkynnt um einstaklinga sem neituðu að greiða fargjald í leigubíl en það atvik gerðist í Grafarvogi, Árbæ eða Mosfellsbæ samkvæmt lögreglunni.