Carl Dean, eiginmaður Dolly Parton til meira en hálfrar aldar, er látinn.

Goðsögnin Dolly Parton tilkynnti í gærkvöldi að hennar heittelskaði eiginmaður verði lagður til hinstu hvílar í einkaathöfn með nánustu fjölskyldu þeirra.

Dolly sagði ekki hver dánarorsökin eru en árið 2019 greindist Dean með Alzheimer sjúkdóminn.

Carl og Dolly gengu í hjónaband árið 1966 en þau kynntust árið 1964 í þvottahúsi í Nashville. Sagt er að þetta hafi verið fyrsti dagur Dolly í Music City sem upprennandi söngkona og lagahöfundur og hún hefði lýst fundi þeirra sem „ást við fyrstu sýn“.

Þrátt fyrir að vera saman frá upphafi ferils Dollyar, deildi Carl, sem var malbiksverktaki – sjaldan sviðsljósinu með eiginkonu sinni. Myndir og myndbönd af þeim á almannafæri eru sjaldgæf, þó Dolly hafi talað oft um hann.

Hún segist hafa samið lagið From Here to the Moon and Back sem kom út árið 2012, hafa verið samið til Carls en árið 2016 endurnýjuðu þau heit sín en þá áttu þau 50 ára brúðkaupsafmæli. „Við Carl eyddum mörgum yndislegum árum saman. Orð fá ekki lýst ástinni sem við deildum í yfir 60 ár,“ sagði Dolly. Þann 30. maí hefðu hjónakornin fagnað 59 ára brúðkaupsafmælinu.

Carl lætur eftir sig systkinin Söndru og Donnie og auðvitað Dolly sjálfa, sem þakkaði aðdáendum sínum fyrir bænir þeirra og samúð, í tilkynningunni.

Carl var 82 ára.