Í dagbók lögreglu frá því í gærkvöldi og í nótt er greint frá því ökumaður hafi verið handtekinn vegna gruns um akstur undir áhrifum fíkniefna. Ökumaður bifreiðarinnar reyndist einnig hafa í förum sínum útdraganlega kylfu.

Tilkynnt var um aðila sem hljóp að brott frá leigubílstjóra án þess að greiða fyrir farið. Sá hinn sami á yfir höfði sér kæru.

Höfð voru afskipti af ökumanni sem var að aka undir áhrifum fíkniefna á ótryggðri bifreið. Einnig reyndist ökumaðurinn hafa í förum sínum fíkniefni.

Tilkynnt var um umferðaróhapp í Garðabæ en ekk urðu slys á fólki.

Tilkynnt var um ungmenni vera að slást í hverfi 109. Einn aðili var vistaður í þágu rannsóknar málsins.