48 ára kona slapp og kallaði eftir aðstoð eftir að hafa verið haldið gegn vilja sínum og beitt kynferðisofbeldi á heimili í La Salud-hverfinu í Santa Cruz de Tenerife en greint er frá þessu í spænsku fjölmiðlum.

Þrír menn hafa verið handteknir í tengslum við málið.

Lögreglu var gert viðvart á sunnudag eftir að vegfarandi fann konuna í miklu uppnámi úti á götu eftir að hún hafði flúið úr húsnæði þar sem sem hún sagðist hafa verið beitt ofbeldi. Lögreglumenn fluttu hana á heilsugæslustöð áður en hún var færð á sjúkrahús til frekari aðhlynningar.

Samkvæmt framburði konunnar hafði hún hitt einn hinna grunuðu, 30 ára mann, kvöldið áður. Þegar hún kom inn á heimili hans hafi tveir aðrir menn, 31 og 47 ára, verið þar fyrir. Hún heldur því fram að mennirnir hafi gripið hana, afklætt hana og komið í veg fyrir að hún gæti kallað á hjálp. Þeir hafi í kjölfarið beitt hana ofbeldi.

Konunni tókst að lokum að komast undan og hljóp hún út á götu þar sem nærstaddir aðilar komu henni til aðstoðar og höfðu samband við lögreglu.

Lögregla fór síðar inn í húsnæðið og fann mennina þrjá og lagði hald á fatnað konunnar sem talið er að tengist málinu. Það er nú í rannsókn lögreglu