Áhrifavaldurinn og bakarinn Linda Benediktsdóttir, betur þekkt sem Linda Ben, skellti sér á dögunum til Tyrklands ásamt fjölskyldunni þar sem sérstakt tilefni var til að fagna.

Foreldrar Lindu urðu bæði sextug á árinu og var ákveðið að halda upp á tímamótin með sameiginlegri fjölskylduferð í sólina. Linda birti fallegar myndir úr ferðinni á samfélagsmiðlum og ljóst er að fjölskyldan naut sín vel saman.

„Tyrkland var æði!“ skrifaði Linda og sagði tilefni ferðarinnar hafa verið sérstaklega ánægjulegt þar sem bæði móðir hennar og faðir fögnuðu sextugsafmæli á árinu.

„Við ákváðum því að fagna á besta mögulega mátann og fórum öll fjölskyldan saman í sólina að njóta,“ bætti hún við og sagði það ótrúlega dýrmætt að fá að eiga slíkar stundir saman.

Með Lindu í ferðinni voru meðal annars eiginmaður hennar, Ragnar Einarsson, og börn þeirra. Linda og Ragnar eiga tvö börn saman en Ragnar starfar sem forstöðumaður færsluhirðingar Landsbankans.

Linda hefur verið áberandi á samfélagsmiðlum undanfarin ár, ekki síst fyrir uppskriftir sínar og bakstur. Hún gaf út bókina Kökur árið 2020, sem naut mikilla vinsælda, og hefur jafnframt samið uppskriftir og tekið myndir fyrir Kökubækling Nóa Síríus. Þá gerði hún sjónvarpsþátt sem sýndur var á Stöð 2 fyrir jólin 2024.

Fjölskyldan virðist hafa nýtt tímann í Tyrklandi vel og naut þar sólar og samveru áður en haldið var aftur heim. Linda lauk færslunni með hlýjum orðum til foreldra sinna:

„Til hamingju með stórafmælin elsku mamma og pabbi.“