Áhrifavaldurinn og fjölmiðlakonan Guðrún Svava Egilsdóttir eða Gugga í Gúmmíbát eins og hún er gjarnan kölluð, stofnaði fyrirtæki á dögunum.

Fyrirtækið ber heitið GIG ehf. en tilgangur þess er auglýsingastarfsemi en frá þessu segir Lögbirtingablaðið.

Samkvæmt blaðinu eru tveir í stjórn fyrirtækisins, hún, sem stjórnarmaður og faðir hennar, Egill Þorsteinsson, sem varamaður.

Guðrún Svava sló heldur betur í gegn á síðasta ári og hefur meðal annars verið sögð ein efnilegasta fjölmiðlakona landsins en hún hefur komið fram í fjölmörgum sjónvarpsþáttum sem gestur og svo hefur hún einnig verið með sína eigin þætti á Vísi.is.