Verðbólga mældist 5,4% í mars og hækkaði um 0,2 prósentustig frá fyrri mánuði. Hækkun á verði matvæla og drykkja reyndist meiri en gert hafði verið ráð fyrir. Þetta kemur fram í frétt RÚV.

Þetta er hæsta verðbólga síðan í ágúst 2024 og hefur hún aukist um 1,7 prósentustig frá nóvember.

Eftir að hafa lækkað stöðugt frá sumrinu 2024 fram á síðasta vor fór verðbólgan að sveiflast í kringum 4% þar til hún náði lágmarki í 3,7% í nóvember – lægsta gildi síðan í desember 2020. Síðan þá hefur þróunin snúist við og verðbólgan farið hækkandi, mældist 5,2% í janúar og febrúar og er nú komin í 5,4%.

Helstu skýringar á hækkuninni eru meðal annars verðhækkanir á mat og óáfengum drykkjum sem hækkuðu um 0,7% milli mánaða. Þá hækkaði bensínverð um 5,8% og dísilverð um 6,9%.