Einbýlishús við Svarfaðarbraut 22 á Dalvík hefur verið sett á sölu. Um er að ræða 192,9 fermetra, sex herbergja hús á tveimur hæðum með bílskúr. Ásett verð er 93,6 milljónir króna.
Húsið var reist árið 1977 og hefur verið endurbætt á undanförnum árum. Á neðri hæð eru forstofa, tvö svefnherbergi, baðherbergi, stofa og borðstofa, eldhús og þvottahús með bakdyrainngangi.
Stofa, borðstofa og eldhús mynda bjart og opið rými þar sem hátt er til lofts. Úr stofunni er gengið út á pall til vesturs. Eldhúsið hefur nýlega verið endurnýjað en innrétting frá Búnási var sett upp árið 2025. Þar eru meðal annars innbyggð Siemens-uppþvottavél, Miele-ofn og spanhelluborð.
Á efri hæð hússins eru þrjú svefnherbergi. Úr hjónaherberginu er gengið út á svalir til suðurs. Eitt herbergjanna er með millilofti og geymslurými undir súð auk sérbaðherbergis með baðkari og sturtuaðstöðu.
Við húsið stendur 32,6 fermetra bílskúr sem var byggður árið 1995. Þar eru góðir skápar og hillur en árið 2025 var skipt um inngönguhurð og bílskúrshurðaropnara.
Innkeyrsla við húsið var steypt árið 2009 og er þar rými fyrir fjóra bíla. Við suður- og vesturhliðar hússins er jafnframt rúmgóður sólpallur og skjólveggur sunnanmegin.
Ýmsar framkvæmdir hafa verið gerðar á eigninni í gegnum tíðina. Meðal annars var fataherbergi við forstofu bætt við árið 2007 og ný útidyrahurð sett upp árið 2018.
Ásett verð, 93,6 milljónir króna, jafngildir um 485 þúsund krónum á hvern skráðan fermetra eignarinnar.
