Söngkonan Regína Ósk Óskarsdóttir hefur sett bíl sinn á sölu en um er að ræða Hyundai Kona Style EV rafmagnsbíl af árgerð 2020 en hún greinir frá þessu á Facebook.
„Þessi geggjaði bíll….Konan mín…er komin á sölu!“ skrifar Regína um bílinn.
Bíllinn var nýskráður í mars árið 2020 og hefur verið ekið um 129 þúsund kílómetra. Um er að ræða fimm dyra og fimm manna bíl með sjálfskiptingu og 64 kWh rafhlöðu.
Ásett verð er 2.350.000 krónur.
Samkvæmt upplýsingum í auglýsingu er bíllinn nýkominn úr þjónustuskoðun. Þá fylgja honum nagladekk á felgum, sem ættu að koma sér vel þegar veturinn gengur í garð.
Regína Ósk er landsmönnum vel kunn fyrir söngferil sinn en hún hefur meðal annars komið fram fyrir Íslands hönd í Eurovision. Árið 2008 myndaði hún dúettinn Eurobandið ásamt Friðriki Ómari Hjörleifssyni og fluttu þau lagið This Is My Life í Eurovision í Belgrad í Serbíu.
Eurobandið komst í úrslit keppninnar og hafnaði þar í 14. sæti. Lagið hefur síðan skipað sér sess meðal eftirminnilegra Eurovision-framlaga Íslands.
Nú getur áhugasamur kaupandi því eignast rafmagnsbíl söngkonunnar, sem hefur þegar lagt að baki 129 þúsund kílómetra frá því hann var nýskráður fyrir rúmum sex árum.
