Ingvar Örn Arnarson hefur verið dæmdur í 30 daga fangelsi fyrir líkamsárás af Héraðsdómi Reykjavíkur.

Ingvar var ákærður fyrir að hafa veist með ofbeldi að brotaþola, slegið hann með flötum lófa í andlitið með þeim afleiðingum að hann hlaut eymsli á vanga og mar á hálsi en samkvæmt dóminum átti árásin sér stað á heimili brotaþola í Reykjavík árið 2023.

Í dómnum er tekið fram brotaþoli hafi verið 74 árs gamall þegar árásin átti sér stað.

Ingvar játaði brot sitt en hann hefur áður verið fundinn sekur fyrir líkamsárás en árið 2018 var hann dæmdur fyrir að skalla lögreglumann í andlitið. Hlaut hann þá 10 mánaða dóm fyrir það brot.

Dómur Ingvars er skilorðsbundinn til tveggja ára og þarf hann einnig að borga fórnarlambi sínu 400 þúsund krónur auk vaxta. Ákærði greiði málsvarnarþóknun skipaðs verjanda síns, Jóns Bjarna Kristjánssonar lögmanns, 450.000 krónur, og 45.648 krónur í annan sakarkostnað.