Líkt og Mannlíf greindi frá í morgun varð alvarlegt umferðarslys á Miklubraut.

Lögreglan á höfuðborgarsvæðinu óskar nú eftir vitnum að umferðarslysinu er varð á Miklubraut í Reykjavík í morgun.

Tilkynning um slysið barst klukkan 8.35.

Var bifhjóli ekið á Miklubraut til vesturs, en til móts við Skeifuna virðist sem ökumaðurinn hafi misst stjórn á hjólinu, sem við það hafnaði á vegriði.

Þau sem urðu vitni að slysinu eru vinsamlegast beðin um að hafa samband við lögregluna í síma 444 1000, en einnig má senda upplýsingar í tölvupósti á netfangið [email protected]