Falleg og vel staðsett 4ra herbergja íbúð við Mávahlíð 1 í Reykjavík er komin á sölu. Um er að ræða 82,6 fermetra eign á 2. hæð í snyrtilegu og vel viðhöldnu húsi í Hlíðunum, einu vinsælasta íbúðahverfi borgarinnar.

Íbúðin skiptist í rúmgott hol, eldhús, baðherbergi, tvö svefnherbergi og bjarta stofu. Á stigapalli, beint á móti íbúðinni, fylgir aukaherbergi sem getur hentað vel sem unglingaherbergi, skrifstofa eða vinnuaðstaða fyrir heimavinnu. Einnig fylgir geymsla í kjallara og er sameiginlegt þvottahús í húsinu.

Húsið hefur fengið gott viðhald á ytra byrði á undanförnum árum, þar sem þak, veggir, tröppur og gluggar hafa verið yfirfarin, sem styrkir ástand og framtíðarhorfur eignarinnar.

Staðsetningin er afar eftirsótt með fjölbreytta þjónustu í næsta nágrenni. Þar má nefna skóla, leikskóla og íþróttastarfsemi hjá Val. Þá eru vinsæl útivistar- og menningarsvæði á borð við Klambratún, Kjarvalsstaði, Öskjuhlíð og Nauthólsvík í göngufæri. Miðbær Reykjavíkur er jafnframt í stuttri fjarlægð.

Eigandi íbúðarinnar er listamaðurinn Loji Höskuldsson og er ásett verð 71.900.000 krónur. Húsið var byggt árið 1946.