Guðmundur Týr Þórarinsson, eða Mummi Týr eins og hann er kallaður, fyrrverandi forstjóri Götusmiðjan, birti í morgun afar harðorða Facebook-færslu þar sem hann gagnrýnir Miðflokkurinn og einstaklinga sem hann tengir flokknum.

Í færslunni fer Mummi, sem er fyrrum frambjóðandi Pírata, ekki dult með skoðanir sínar og segir meðal annars:

„Gott að það er til stjórmálflokkur (Miðflokkur) sem tekur opnum örmum fólki sem er með greind langt undir stofuhita. Slagorð miðflokksins ætti að frekar að vera ‘stupit people sameinist’.“ Við færsluna birtir hann skjáskot af frétt Heimildarinnar þar sem Snorri Másson, varaformaður Miðflokksins segist ósáttur við gagnrýni á brandara mögulegs sendiherra Bandaríkjanna á Íslandi, en hann sagði fyrir þingnefnd á dögunum að Ísland ætti að verða 52 fylki Bandaríkjanna.

Hann veltir jafnframt fyrir sér hvers vegna fólk með slíkar skoðanir sækist eftir að innleiða hugmyndir frá Bandaríkjunum hér á landi:

„En af hverju flytur þetta fólk ekki í fasistaríki USA í stað þess að vilja kópera bullið þaðan til Íslands, flestu hugsandi fólki til ama. Í USA þykir greindarskert gaspur vera norm í stjórnsýslunni.“

Mumma heldur áfram með umfjöllun um greind og stjórnmálamenningu og fullyrðir:

„En til upplýsinga er meðalgreind í USA ekki nema 98, sem er undir meðallagi eða rétt nóg til að geta sinnt daglegum einföldum verkum en hefur svo ekki getuna að hugsa hlutina í samhengi og þess vegna felur flokkurinn sig og flaggar einhverju sem þau kalla heilbrigð skynsemi (sem er huglægt mat þess er flaggar frasanum) en skortir svo getu til að að útskýra hvað það raunverulega þýðir.“

Í færslunni nefnir hann sérstaklega þingmann Miðflokksins, Snorri Másson og segir:

„Snorri Másson ætti að nota tímann sinn í að selja ryksugur door to door og yrði örugglega góður í því.“

Að lokum gerir Mumma grein fyrir því sem hann telur vera pólitískan grundvöll flokksins:

„Helmingur landsmanna er yfir meðalgreind og helmingur undir meðalgreind sem er klárlega atkvæðamarkaðsvæði Miðflokksins.“