Sverrir Helgason, stjórnarmaður í ungliðahreyfingu Miðflokksins og umsjónarmaður Bjórkastsins, sagði í nýjasta þætti þáttarins að erfðafræði skipti miklu máli þegar metið er hvernig fólk aðlagast samfélögum. Hann játaði jafnframt að það myndi ekki trufla hann að vera kallaður rasisti. Þetta kemur fram í frétt mbl.is.

Samtalið átti sér stað þegar gestur þáttarins, Helgi Hrafn Gunnarsson, fyrrverandi þingmaður Pírata, ræddi móttöku innflytjenda. Sverrir spurði hvort þjóðernislegur uppruni hefði ekki áhrif, og hélt því fram að menning endurspeglaði „genamengi samfélagsins“.

Helgi lýsti yfir undrun á ummælum Sverris og benti á að slíkar fullyrðingar væru rasískar. Sverrir samþykkti það í raun og sagði að hann liti á sig sem „race-realist“, sem útleggst á íslensku sem kynþáttaraunhyggjumaður.

Hann hélt áfram að segja að samfélög í Afríku sunnan Sahara endurspegluðu genamengi íbúanna og fullyrti að „sönnunargögnin væru augljós“. Helgi mótmælti og lagði áherslu á að gáfur og getu fólks væru ekki bundnar þjóðerni þeirra.

Segist mega segja N-orðið

Sverrir hefur einnig farið hamförum í athugasemdakerfum með rasískum ummælum en þann 5. janúar á þessu ári skrifaði hann eftirfarandi athugasemd:

„Forfeður mínir áttu ekki afríska þræla, högnuðust aldrei á þrælahaldi á þeim, höfðu sennilega enga vitneskju um það. þess vegna má ég segja nigger. þetta er bannorð í bna af sögulegum ástæðum sem eiga ekki við á íslandi. þetta er mín krafa á fyrsta maí.“

UPPFÆRT

Í færslu á samfélagsmiðlum hef Sverrir tilkynnt að hann hafi sagt af sér.

„[É]g var nú bara varamaður í stjórn, en þar sem ég vil fá að halda áfram að tjá mig og ögra eins og mig langar til án þess að það kasti rýrð á það góða starf sem á sér stað hjá ungum miðflokksmönnum þá segi ég stöðu minni þar lausri.“

Sverrir bætti síðan við:

„það er ekki hægt að banna mér að segja eitthvað orð. sá sem leyfir einhverjum öflum að banna sér að segja einhver orð er að gefa þeim gríðarlegt vald yfir sér. þetta er hluti af psyoppi til að fá fólk til að vera móttækilegri fyrir svona bönnum. fyrsta vígið er nigger.“

Þann 11. apríl síðastliðinn skrifaði hann andgyðinglega athugasemd sem hljómaði á eftirfarandi hátt:

„öll saga palestínumanna er bara þeir að vera rassskelltir af gyðingum. sorglegasta þjóð allra tíma. þegar gyðingar rífa kjaft við evrópubúa þá söfnum við þeim saman í gasklefa. levels.“